20 հետաքրքիր փաստ շոկոլադի մասին

Շոկոլադը հանդիսանում է ամենատարածված հրուշակեղենը ամբողջ աշխարհում: Մենք սիրում և վայելում ենք այն իր բոլոր տեսակներով և համային հատկություններով հանդերձ, բայց որքան ենք մենք տեղեկացված շոկոլադի մասին: Ամենևին էլ անհրաժեշտ չէ շոկոլադի փորձագետ լինել, որպեսզի նրա արտադրության և օգտագործման մասին շատ հետաքրքրաշարժ փաստեր և տեղեկություններ իմանալ: Այստեղ հավաքագրված են 20 փաստեր, որոնք սիրով ներկայացնում ենք ձեր ուշադրությանը՝ համոզված լինելով, որ այս տեղեկությունները ձեզ կհետաքրքրեն:

  1. Ուսումնասիրությունները ցույց են տալիս, որ շոկոլադ սկսել են օգտագործել դեռևս 2500 տարի առաջ Կենտրոնական Ամերիկայում: Մայաների քաղաքակրթությունը կակաոն համարել է աստվածային պարգև, և ըստ այդմ այն բարձր է գնահատվել: Այն օգտագործվել է հանդիսավոր արարողությունների ժամանակ և երբեմն նաև ծառայել է որպես փողին համարժեք վճարման միջոց: "Կակաո” բառը մայաների լեզվից թարգմանաբար նշանակում է «Աստվածային սնունդ», և երբ 16-րդ դարում այն մուտք գործեց Եվրոպա, իր հիմնական անվանմանը ավելացնելով լատինական «Theobroma» բառը՝ մատնանշելով կակաոյի ծառը, հնչեց որպես “Theobroma Cacao” (Աստվածների սնունդ):
  2. Շոկոլադի անունն առաջացել է ացտեկյան «xocalati» բառից, որը նշանակում է «դառը ջուր»: Բնավ զարմանալի չէ այն փաստը, որ հենց նրանց շնորհիվ է կակաոյի ըմպելիքը օգտագործվում չիլի պղպեղի, աչիոտեյի, եգիպտացորենի ալյուրի համադրությամբ, և դեռ համաձայն առասպելի դրա մեջ էին ավելացնում հատուկ հալուցինոգեն տեսակի սունկ (հավանաբար գիտակցության վիճակը փոփոխելու համար, որը նրանց կարծիքով թույլ կտար շփվել իրենց Աստվածների և ոգիների հետ):
  3. Ամբողջ աշխարհի կակաոյի ավելի քան 66%-ն աճում է Աֆրիկայում, և ամբողջ կակաոյի միայն 98% -ն է մշակվում ընդամենը 15 երկրներում:
  4. Շոկոլադի երկրպագուների թվում կանայք երկու անգամ ավելի շատ են, քան տղամարդիկ:
  5. Նկատվել է, որ շոկոլադի նկատմամբ քաղցը կարելի է հագեցնել միայն շոկոլադով (որն ամենևին էլ զարմանալի չէ):
  6. Շոկոլադը հանդես է գալիս որպես թույլ հակադեպրեսանտ, քանի որ այն մեծացնում է սերոտոնինի և էնդորֆինի արտադրությունը ուղեղում:
  7. Շոկոլադը պարունակում է փոքր քանակությամբ ամֆետամինի թույլ ազդեցություն ունեցող կոֆեին:
  8. Շատերը նշում են, որ շոկոլադը հանդես է գալիս որպես աֆրոդիզիակ, թեև այս պնդումը գիտականորեն ապացուցված չէ: Այս տեսությունը հիմնված է այն փաստի վրա, որ շոկոլադը պարունակում է տոնուսը բարձրացնող այնպիսի միջոցներ, ինչպիսիք են կոֆեինը, թեոբրոմինը և ֆենիլէթիլամինը:
  9. Կակաոյի յուղը կողմնակի արտադրանք է, որը ստացվում է կակաոյի ջերմամշակված ունդերից, և ի լրումն դրա օգտագործմանը շոկոլադի արտադրության մեջ, այն նաև մի շարք կոսմետիկ ապրանքների բաղադրության մասն է կազմում, այդ թվում մերսման յուղերի և մաշկի խնամքի միջոցների: Այն ամենակայուն, բարձր խտություն ունեցող բնական ճարպերից մեկն է:
  10. Terry's of York տարեկան արտադրել է ավելի քան 350 մլն. տեսակի շոկոլադե նարինջ:
  11. Շոկոլադե ամենամեծ ստեղծագործությունը համարվում է Մելբուրնի Զատկի ձուն՝ 10 ոտնաչափ բարձրությամբ և 4,484 ֆունտ քաշով:
  12. Բելգիայի շոկոլադի արդյունաբերությունում աշխատում է 17,000 մարդ:
  13. Չնայած, որ շոկոլադը պարունակում է մեծ քանակությամբ ճարպ, այն չի նպաստում արյան մեջ խոլեստերինի մակարդակի աճին:
  14. Շոկոլադի նկատմամբ ալերգիան հազվադեպ երևույթ է (լավատեսական տեղեկություն, այնպես չէ՞):
  15. Ամբողջ աշխարհի շոկոլադի սպառման մոտ 50%-ը բաժին է ընկնում Ամերիկային:
  16. Նապոլեոնը միշտ իր մոտ ունեցել է շոկոլադ, որը նա օգտագործում էր որպես տոնուսը բարձրացնող միջոց, երբ նա ուներ էներգիայի պահանջ (և բոլորը կարծում էին, որ նա գնել է այն Ժոզեֆինայի համար):
  17. Կակաոյի մեկ հատիկը պարունակում է մոտ 42 ունդ: Մեկ ֆունտ շոկոլադ պատրաստելու համար պահանջվում է 270 կակաոյի ունդ:
  18. Յուրաքանչյուր տարի ավելի քան 7000 մլն ֆունտ շոկոլադե կոնֆետ են ուտում ամբողջ աշխարհում:
  19. Ամբողջ աշխարհում կակաոյի մոտ 90%-ը աճեցվում է փոքր ընտանեկան տնտեսություններում՝ ոչ ավել, քան 12 ակր տարածքով:
  20. 2006 թ. աշխարհում վաճառվել է ավելի քան 7.2 մլն տոննա շոկոլադ: